Сумын танилцуулга
СУМЫН ЕРӨНХИЙ ТАНИЛЦУУЛГА
Богд сум нь 1924 онд Арц уул сум нэртэйгээр анх байгуулагдсан. Монгол Алтайн нурууны үргэлжлэл 2376-3025 м өндөр мөнх цаст Бага Богд Арц Богдын сүрлэг сайхан уулсынха дунд Улаанбаатар хотоос 620 км, Арвайхээр хотоос 210 км-т оршдог.
1925 оны улсын анхдугаар хуралдаанаар Арц уул, Баяндөхөм гэсэн 2 сум болгожээ.1927 онд дээрх 2 сумыг дахин нэгтгэж 1930 онд Бат-ширээт сумтай нийлүүлэн Богд сум болгосон ба 1932 онд Ховд сумаас Зүүн Богд сумын салган шинээр байгуулжээ.1957 оны газар хөдлөлтийн уршгаар сумын төвүүд нурж эвдэрсэн учир 1963 онд дээрх 2 сумыг нийлүүлэн өнөөгийн Богд сум үүсэн байгуулагджээ Өлзийт хошуу, Хөөвөр, Баяндөхөм, Гүн-ус, Далан, Ялаатай, Ховд гэсэн 7 багийн нийт 1385 өрхийн 5266 хүн амьдардаг.
Хүн амын тоогоор аймгийн хэмжээнд 6 дугаарт, газар нутгийн хэмжээгээрээ 1-д ордог /Аймгийн төвийг оролцуулахгүйгээр хамгийн алслагдсан сум юм.
Улсын бага хурлын тэргүүлэгчдийн 1931 оны 02 дугаар сарын 07-ны өдрийн 05 дугаар тогтоолоор Арц уулын сум, Батширээт сумыг нэгтгэж Ховд сум гэж нэрлэн Ховдын голын урд дэнж дээр суурьшуулж байсан. Ховд сум нь 1940 онд хоёр сум болж Зүүн богд сум нь Бага богд уулын өвөр Цагаан толгой гэдэг газар, Ховд сум нь Баяндөхөмд тус тус төвлөрөн ажиллаж байгаад 1957 оны газар хөдлөлтөөр Зүүн богд сумын бүх барилга нурж үгүй болсны дараа 1962 онд хоёр сумыг дахин нэгтгэн Богд сум гэж нэрлэж Ховд голын хойд дэнж дээр суурьшсанаар өнөөг хүрчээ.
Богд сум нь нийт 7-н багтай. 2014 оны жилийн эцсийн тоогоор нийт 1375 өрх, 5375 хүн ам, 324942 толгой мал тус тус тоологдсон.
Тус суманд 1992 оны 09-р сарын 18 нд сум хөдөөгийн 7 багаас сонгогдсон 35 төлөөлөгчийн бүрэлдэхүүнтэй сумын Иргэдийн Төлөөлөгчдийн Хурлын анхдугаар хуралдааныг хуралдуулж ИТХ-ын Тэргүүлэгчдийн орон тооны бус даргаар Б.Доржхорлоо, Орон тооны нарийн бичгийн даргаар Д.Өлзий-Орших нарыг сонгосон.
1996 оны 09-р сард Монгол Улсын Их Хурлаас “Аймаг, нийслэл, сум, дүүргийн Иргэдийн Төлөөлөгчдийн хурлын сонгуулийн тухай” хууль батлагдснаар “Засаг захиргаа нутаг дэвсгэрийн нэгж, түүний удирдлагын тухай” хуулинд орсон өөрчлөлтийн дагуу 1996 оны 10-р сарын 6-нд орон нутгийн хурлыг сонгох сонгууль болж 20 төлөөлөгч сонгогдсон юм.
1996 оны 10-р сарын 27 нд хуралдсан ИТХ-ын анхдугаар хуралдаанаар сумын ИТХ-ын Тэргүүлэгчдийн даргаар С.Банзрагчийг, нарийн бичгийн даргаар А.Адъяаг сонгон ажиллуулсан,
2000 оны 10-р сарын 19-нд шинээр сонгогдсон ИТХ-ын анхдугаар хуралдаан болж зохион байгуулалтын асуудал хэлэлцэн ИТХ-ын Тэргүүлэгчдийн даргаар Д.Бат-өлзий,. ИТХТ-ийн орон тооны бус нарийн бичгийн даргаар Ч.Чулуунбатыг сонгожээ
2004 оны 11-р сарын 05 нд шинээр сонгогдсон сумын ИТХ-ын анхдугаар хуралдааныг хуралдуулж ИТХ-ын Тэргүүлэгчдийн даргаар Д.Бат-Өлзийг,. ИТХТ-ийн орон тооны бус нарийн бичгийн даргаар Р.Ганзоригийг сонгон ажиллуулсан.
Байгаль, газарзүйн онцлог
Газарзүйн онцлог.
Далайн түвшнээс дээш 2376-3025 м өргөгдсөн Монгол Алтайн нурууны үргэлжлэлд багтдаг.
Газар хөдлөлийн эрчим 6-8 балл.
Сумын нутаг дэвсгэр нь Арц, Богдын уулархаг нурууд, гүвээ толгод, хээр тал, элсэн манхан хосолсон мал аж ахуй болон газар тариалан эрхлэхэд тохиромжтой.
Цаг уурын нөхцөл.
Өвөлдөө хүйтэн сэрүүн, зундаа ихээхэн халуун уур амьсгалтай.
- Жилийн агаарын температурын дундаж 1,7 оС дулаан
- Хамгийн дулаан 7-р сарын дундаж температур 17,9о С дулаан
- Хамгийн хүйтэн 1-р сарын дундаж температур 15,8о С хүйтэн
- Салхины дундаж хурд 2,8 м/с
- Салхины их хурд 24-40 м/сек хүрдэг
- Тундасны нийлбэр 129,0 мм тунадас унадаг байна.
Газар нутаг
Нийт газар нутгийн хэмжээ 1004287 га.